脾氣暴躁成績下跌

熙仔的祖母張帶今年已八十二歲，面對孫兒去世的事實，她仍未能接受過來。她昨日盛讚熙仔生前聽話勤快，她對之甚為疼愛，兩嫲孫有時更會一同睡覺，可見感情深厚。自慘劇發生後，她差不多每天以淚洗面，以致心神恍惚，令見者心酸。

至於熙仔的哥哥鄧永樂現況，鄧父透露自熙仔過身後，永樂便一直要接受心理專家跟進，除脾氣變得暴躁外，亦由以往「無時停」的活潑性格變成「成日『柄』埋响屋企睇電視」，成績亦走下坡，「唔鍾意啲科目就直情唔讀」。鄧父坦言擔心永樂情況，慨嘆「我都唔知點教佢」。他又指永樂現時仍會離家「四圍走」，他亦不能控制：「小朋友點睇都睇唔到，無理由鎖住佢响屋企啫，特別我哋住鄉村地方，我自己細個都係咁，仲曳過佢哋啦！」