23/09/2009

播放本新聞相關短片

政情：李家傑獲細佬夫婦撐場

四叔大仔李家傑尋日去香港大學接受頒發名譽大學院士銜，細佬李家誠同弟婦徐子淇都有嚟撐場，兩公婆大讚李家傑就算做生意幾忙都會抽時間幫人，所以第日會叫啲仔女以大伯做榜樣。咁啱尋日係無車日，子淇話行上嚟港大唔係咁方便，但平時去中環行街就唔會坐車，會行四通八達嘅天橋當做運動喎！

同獲頒殊榮嘅仲有冇做大班嘅柯清輝，佢啱啱同太太歐遊完返嚟，柯太話會送禮物同埋食飯慶祝。