政情：孫公外孫都用幼園學券

本港幼稚園收費參差，自從推行咗學券制度後，好多家庭都受益，教育局局長孫明揚尋日都申報利益，話佢自己兩個外孫都有享用幼稚園學券，但就托賴未需要申請減免學費。孫公做局長薪高糧準，阿女同女婿入息都唔差得去邊，就算申請都唔使旨意過到入息審查。

問到本港會唔會幼稚園免費，孫公碌大對眼話：「有啲幼稚園學費成萬幾銀一個月，點樣免費呀？依家學券制已經幫到大部分家庭。」

17/09/2009