話說儀式開始前，煲呔曾忽然收到個電話，只係聽佢叫咗兩聲「Thomas、Thomas」，之後就開始皺晒眉，仲用手遮住自己個樣，好似聽得好苦惱咁。記者想行上前聽真啲，新聞處嘅職員已經過嚟護駕，唔畀記者影相；之後隱約再聽到煲呔曾講咗句「多謝晒」就收咗線。

雖然冇辦法知道煲呔曾同邊個講電話，但前日發生六人死亡嚴重工業意外嘅地盤所屬發展商新地副主席郭炳江都係叫Thomas，唔知兩件事有冇關連呢？