其實阿Ron又點會志在嗰一年米飯錢呢？佢養過馬王「翠河」，對其他愛駒都有好大期望就真。對於「唔志在」呢個講法，佢反應奇大咁話︰「你講笑好！唔志在？佢起碼要搵錢夠養自己先得o架！」呢輪馬會啲「糧草」畀人話貴，佢呢番說話令人產生聯想。點知佢跟住就話︰「最近有個馬房職員同我講，話我隻馬最近表現唔錯，話有機會（贏）。下個禮拜佢得唔得？我要同練馬師傾吓，希望佢旗開得勝。」哦！咁既然有機會，即係冇白養囉！