馬會行政總裁應家柏年薪千四萬，尋日喺馬場見到前任馬會CEO黃至剛，問佢馬會錢係咪好易搵，佢就嚟招四両撥千斤︰「梗係好搵，馬會係間一百二十五年嘅老店。現任主席話人工合理，我都覺物有所值，馬會喺全世界招聘，冇咁嘅人工點吸引到專才嚟呀。」
轉過頭見到應家柏，梗要問佢點先可以好似佢咁Rich啦！佢好謙咁話︰「我唔Rich，我好簡單，只要好似你一樣咁勤力工作就得啦！」認真識講笑呀！
另外，恒生一姐梁高美懿同老公一齊入馬場，梁太話下禮拜會同金管局總裁任志剛Farewell，又話同候任嘅攞命陳合作咗好耐，所以好熟喎。
