14/09/2009

播放本新聞相關短片

政情：王敏剛自責有負人民所託

曾任新疆自治區顧問兼港區全國人大代表嘅王敏剛，尋日專登由北京返港，出席討論香港記者喺新疆採訪被毆事件嘅研討會，席間更多次直斥新疆武警長期執法粗暴，又話自己都接過唔少類似嘅投訴，佢好無奈咁引用前港區全國人大吳康民退休時所講嘅一句話—「港區人大有負人民所託」。

何出此言？佢解釋，各級人大由縣市到全國有成二百幾萬人，而且權力連香港嘅太平紳士都不如，所以好多時候，的確係有負人民所託。呢番說話真係嗒落有味！