表演係五個人一字排開，每人手執一支長竹，用支竹轉住隻碟，然後交畀隔籬嗰個，呢門雜技少啲默契都唔得，但似乎難唔到棠哥喎，佢每次交碟都聚精會神望實個支點位，話咁快就傳咗五隻碟。最後司儀宣布表演完畢，棠哥玩到停唔到手，決定向高難度挑戰，由手執長竹改為以手指頂住支竹嚟轉碟，雖然差啲失手，但最後都眼明手快撈得番，結束一分鐘嘅表演。

點解棠哥轉碟轉得咁掂？原來佢喺表演前試玩咗半分鐘，仲話就係咁發掘咗自己嘅藝術天賦，如果有個經理人幫佢，可以考慮吓搞show添！