小白觀點：幾百個謎底等你解開

以前行旺角商場，成日有人嗌「四樓有四仔」，睇怕依家都冇乜運行咯。事關網上討論區嘅樓主全部都好慷慨，一至六樓都有四仔，而且家陣網上流傳嘅情慾小電影，好多仲係現役中、小學生素人巨獻添！

最過癮係，呢啲短片已經超越AV嘅色情範疇，直情可以當《神探伽利略》咁睇。網民半夜三更用手指篤住額頭，諗呀諗，到底女主角係唔係我哋學校4B班嗰個珠女？到底嗰個陽台係唔係隔籬邨十六座嘅天台？幾百個謎底等你解開！

所以小白老弟好支持家長喺電腦裝過濾軟件，因為隨時主角係屋企嗰件化骨龍都唔定，為人父母者睇到眼冤就無謂啦。

網友觀點......

MPG

真係世風日下，唔使錢都有咁多人肯做AV主角，唉，無話可說了。

雷人杰

依家啲o靚仔人細鬼大，乜都敢死，煲呔曾仲叫人生三個添，簡直靠害。

溫師傅

o靚仔o靚妹公然周街親熱，既然情況咁嚴重，當局係咪應該資助吓佢哋租房錢呢？

mcmcsung

算啦，呢啲咪叫代溝囉，幾十年前我老竇夠話我着喇叭褲係世風日下啦。

網址：www.sunsiupak.blogspot.com

阿豪觀點：滿足晒你多個願望

睇情慾短片，可以滿足大家多個願望：

—幸災樂禍。大家可以一邊惋惜：「該煨囉，如果係我（或我個仔女），你話以後點見人？」一邊好開心咁想像主角父母嘅反應。

—做動作指導。武打片或AV嘅演員經過訓練，但係情慾片由素人演出，我哋大可以指手畫腳：「呢個位拗前啲吖嘛，識唔識o架你？」

—做聖人。情慾短片一出籠，即時義正詞嚴怒吼：「有冇搞錯呀，依家啲後生仔女都唔識尊重自己同別人嘅！」之後再補句：「可唔可以send條link過我呢？」

—（主角）做明星。觀眾人數多過喺戲院上映嘅港產片。呀！着咩衫去金像獎頒獎禮好呢？

網友觀點......

joey

要偷拍其實都唔難，地鐵、公園已成為呢啲癡男怨女學生哥公然親熱嘅好地方……

尖子

差人做嘢啦，想自己拍埋一份呀？

不明物體

家陣啲學生真係咩都敢做，打同學、打教師、周街親熱，自己拍完片仲放埋上網，以為自己好威，究竟係咪我哋嘅教育出咗問題？

匿名

當鹹片睇，真人show嘛。咁多阿伯去公園，唔通真係散步咩，梗係搞嘢啦。

網址：www.lukchiho.blogspot.com

發表方法

讀者如對本欄每日話題有任何意見，歡迎登入網址發表意見。本報保留採用刊登權利，不另通知，敬請留意。