任總嘅專屬司機Jimmy跟咗佢成十幾年，尋日下晝，Jimmy如常將架車泊喺金管局門口，等任總收工，點知任總唔係即刻上車返屋企，而係專登搵局內一個同事揸機，幫佢同Jimmy喺金管局門前影番張合照，任總仲千叮萬囑一定要影埋同樣跟咗佢好多年、供政府官員專用嘅「AM78」車牌。牛一當日竟然仲記得個司機，任總真係識冧人。