要休息要時間康復

據賭王其中一位女兒透露，賭王的康復進度理想，並否認進行第三次手術的傳聞，她說：「做第三次手術唔啱嘅，依家佢（賭王）講到嘢，食到流質嘢，有落過床，但身體唔似得入院前咁，無咁強壯。（中秋節前可唔可以出院？）唔清楚，整體狀況好好，但覺得醫院看護及儀器比較放心，醫生想觀察吓先，佢識睇電視和報紙。（出面好多不利傳聞，會唔會幫賭王影張相澄清？）唔需要畀相，爹哋咁貪靚，做過手術一定唔靚仔，點解要留個唔標致嘅樣，傷口埋咗，落床要人扶，手術後要休息，體能同出事前好大差距，要時間康復。」

一齊食吓橙睇電視

對於有關五太的傳聞報道，她表示沒有給父親看，至於為何賭王的看護擁有價值億元物業？她表示別人的家庭背景與她無關，故不便評論，只表示對方做看護時曾見過面，以她所知「看護」的關係沒有改變過。

二太藍瓊纓和四太梁安琪剛於周日一同到醫院探病，有傳是要開家庭會議，昨三位太太藍瓊纓、陳婉珍和梁安琪，再度同時段探望丈夫，被問及是否再開家庭會議時，賭王該名女兒表示：「唔係，爹哋情況好，大家爭取時間陪佢。一齊食下橙，睇電視。（三位太太感情係咪好咗？）接觸多咗一定。」

二太離開時心情開朗，四太對三人共處醫院表示純屬巧合，並形容丈夫好精神。賭王子女包括何超鳳、何超蕸、何超儀及何超蓮等昨日亦相繼到醫院探父。