中總尋日舉行周年會員大會，在場嘅廖長江一聽到接棒傳言，即時封口：「你哋去問阿頭（中總會長蔡冠深）啦！」反而方文雄就笑笑口咁話：「依家言之尚早。」佢仲補多句：「如果IQ博士唔連任，仲有廖生呢！」佢冇正面回應有冇興趣競逐立法會議席，只係一味讚兩個對手都係好人選，之後都不忘為中總講好說話：「我哋個會歷史悠久，過百年都咁和諧、冇爭拗，就算邊個做都係好事。」

雖然對接棒嘅傳言笑而不答，但方文雄講到明唔擔心做立法會議員會冇晒私人時間。即係佢都冇封從政後路啦！佢講講吓時，忽然有兩個中總會員走埋嚟握手，臨走前仲幫佢拉票：「遲啲就由佢接任（議員）喇！」搞到佢哭笑不得。