尋日係理工大學同英國華威大學（University of Warwick）合辦嘅綜合深造工程商業管理課程行畢業禮，Cliff忙完應酬之後，就透露佢九年前開始飲靈芝沖劑習慣，每日三包，佢話靈芝雖然唔係用來醫病，但可以調理身體，令身體機能正常唔退化，佢仲周不時向朋友推薦添。不過坊間嘅靈芝丸，價錢一啲都唔平，唔知飲沖劑會唔會仲貴呢？Cliff擰頭話，每日三包靈芝沖劑成本只需要廿幾蚊，相當經濟實惠，大家都不妨試吓。

同場出席嘅理大校長唐偉章就話，靠運動養生，佢仲經常落屋苑嘅俱樂部做GYM，早排仲同細仔去踩單車。