李家傑尋日仲話,依家全世界嘅政府都喺度救市,要睇全球各國政府會唔會縮,無論從金融市場抑或實體經濟嚟睇,「經濟數據其實未得㗎,有排㗎」!
咁金融市場同實體經濟幾時先復甦?李家傑就話好難估。如果有小股民以為經濟好番想入市,佢都提醒大家千祈咪借錢、咪玩孖展,最好都係有閒錢就買吓藍籌股算囉。