首次自爆培養攞命陳接班

任總仲話自己讀經濟同統計出身，對數字好敏感，呢個習慣唔止係佢，連一家人對數字都好敏感，退休在即，佢要煩惱嘅係點樣處理投資，事關佢以前受制於利益衝突問題，最多只可以買樓投資，唔可以沾手任何股票，所以離任後，佢要諗吓點樣活用銀行嘅現金。其實，任總雖然長年只能投資樓市，但佢早年曾爆出內部認購、豪宅易手頻密等消息，肯定賺唔少啦，連佢自己都不能迴避話：「喺香港買樓，長遠一定賺喎！」

講完個人投資後，佢又首次公開攞命陳就係佢當年培養嘅接班人，仲話鬍鬚曾早前諮詢時，佢都話攞命陳係合適人選。不過，政界同財經界一直傳攞命陳當年雖然係接班人，但實際上就被投閒置散，所以先走咗去。

依家兩個人雖然開始咗交接工作，但據講彼此合作仲需要磨合。