05/09/2009

播放本新聞相關短片

政情：方剛撐錶行北移開舖

先係金融海嘯，跟住就嚟豬流感，簡直係打殘零售業，好在業界懂得自救，立法會批發及零售界議員方剛除全力推消費券，最近亦頻頻出席業界活動撐場。有五十七年歷史嘅九龍表行尋日喺上水開第五間分店，方剛亦有現身，同香港鐘錶業總會永遠名譽會長孫秉樞齊齊做主禮嘉賓。

該錶行老闆兼鐘錶業總會顧問黃錦成話，佢同方剛識咗好耐，係好熟朋友，好滿意方剛不斷為業界服務，唔止下次新舖開張會請方剛主禮，仲話下屆立法會選舉都繼續投佢一票添。真係撐方剛撐到出面喎！