民政事務局尋日破天荒喺海防博物館搞咗個酒會，介紹該局轄下兩個部門新署長，包括康文署署長Betty馮程淑儀同新聞處處長Michael黃偉綸。返咗幾日新工嘅Betty話，原以為離開咗「7．11」嘅新聞處後，可以多啲時間湊女，豈料員工抗議要檢控埋違例吸煙而上街遊行，搞到佢連日忙於救火，又要
實東亞運動會，好有挑戰性不在話下，搞得唔好隨時孭鑊。
實東亞運動會，好有挑戰性不在話下，搞得唔好隨時孭鑊。
但佢依家每朝七點四十五分才出門口，正好趕得及送女返學，兩母女多咗一段車上親子時間，所以最開心一定係囡囡，因為囡囡再唔係唯一冇媽咪送返學嘅小朋友。
至於被視為搏殺型嘅Michael，一上任做新聞處長就遇上終審法院首席法官李國能突然宣布提早離任，連日嚟都忙於作部署，甫上任就已領教到「7．11」嘅滋味。但對於水務署被指截甘乃威胡，佢話唔係佢教路。梗係啦，件事處理得咁差，如果係佢教路就真差勁喇！