啟山向來予人花花公子形象，自從前女友章子怡另有新歡後，啟山亦修心養性，同女星「絕緣」。啟山似足爸爸，開口埋口就講體育，最大嗜好係踢波同打壁球。鮮有人留意，其實啟山加入「小足會」已有一段日子，為增加曝光率，近日啟山終於發圍，宣布喺十一月一號舉行一場小型足球賽為東亞運造勢，比賽場地仍在物色當中，但絕對唔係政府大球場，因為場地太大，唔適合踢小型球賽。

呢次比賽會唔會邀請名人獻技？啟山話參賽嘉賓名單要保持神秘，唔講住，但自己就一定會落場踢埋一份喎。