小狗撲窗「求救」

唐狗仔叫Bibe，昨晨九時許，牠被發現困在香粉寮村十呎深水渠，受傷悲鳴，村民發現報警，消防員到場游繩落坑救起，警員準備轉交愛護動物協會時，姓盧（四十三歲）女子推着載滿汽水罐的手推車趕至，大叫：「隻狗係我㗎！」另有兩狗尾隨跟着，盧婦挨近警車時，小狗似看見主人，不停撲近窗邊吠叫「求救」。

警員着她出示身份證，又問：「有乜證明隻狗係你嘅？」盧婦因忘帶身份證，她靈機一動連忙說：「你放隻狗落地，如果佢肯跟我，即係我㗎啦。」警員仍要求她出示身份證，盧婦無奈飛奔返家取證件。

其後，她連同十六歲女兒及兩頭狗隻折返，盧女見小狗受傷，全身濕透及一臉驚慌，即含淚向警員哀求：「畀番隻狗我啦！」警員問她小狗母親在哪裏時，盧女即指着身旁啡色的母狗，警員又問母狗姓名，盧女即說：「狗媽媽！」警員終歸還小狗，小狗終與母狗重逢，亦重投小主人懷抱，場面溫馨。盧婦則笑說：「囡囡好鍾意養狗，阿媽死咗，佢都未必喊，但狗仔有事，就緊張成咁。」