老牌國貨之一嘅裕華國貨分店相繼結業，只剩下佐敦道總店，至於鎮守中環德輔道中嘅分店點解會執笠，原來背後有一個不為人知嘅秘密。
尋日喺一個推介會上遇到裕華國貨董事副總經理余鵬春，問起中環裕華結業，佢話唔係因為市道差，而係因為德輔道中嘅客源不足，仲無奈咁話經營百貨業要好大地方，雖然德輔道中舊金城銀行個舖位夠晒大，但唔適合經營百貨公司，事關樓底太高令射燈照射唔到啲貨品，所以租咗三年就決定唔再續約嘞。
至於點解租舖時無發覺樓底高，佢冇詳加解釋，只係話以前租用皇后大道中舊龍子行個舖位，客源啱裕華多啲，所以一租就六年，其後因重建計劃而搬遷。