副局長舊年出台冇耐，政務官出身、比較熟悉政府運作嘅Raymond譚志源順理成章成為副局「班長」，擔當副局同時任特首辦主任陳德霖嘅橋樑。
Raymond喺本月初轉任特首辦主任，副局「班長」丟空，據聞佢打算喺副局之中繼續行「班長制」，方便協調，七名副局之中冇乜邊個特別突出，一人一票互選就最公平。為咗唔想有人受群眾壓力作出埋沒良心選擇，有損「班長」威名，於是用暗票制度，暫定月底選舉。
按目前形勢睇，以近期因校本驗毒計劃頻頻曝光嘅教育局副局長陳維安，同埋早排忙於應付豬流感嘅梁卓偉行情最熱，但若由三十六歲嘅梁卓偉做班長，其他比佢大十幾年嘅副局唔知會點諗？