正所謂同人唔同命，香港天文台前台長林超英咪又係三句唔埋兩句靠嚇，話再過多十年八年，要同冬天講Bye Bye，弊在佢出晒名叫「黑英」，連掛風球咁簡單都唔曉，小弟向來對人不對事，佢就算講一加一等於二都冇人信。

冇錯，其他地區可能真係有溫室效應，只不過，戈爾好明顯冇嚟過香港，唔知呢度嘅環保工作做得幾一仆一碌，周圍都係屏風樓、玻璃幕牆、煙囪，「暖爐效應」熱到人人都伸晒脷，戈爾有所不知嘅係，有呢個特衰政府至係真真正正嘅「絕望真相」呀！

香港暖爐效應

網友回應

[琪琪]

講環保，香港淨係識得徵收膠袋稅，話用少啲膠袋，以前都會循環再用膠袋嚟裝垃圾，依家咪變咗要買垃圾膠袋囉，邊有用少到吖，搵嚟搞，仲多咗包裝袋添。

[輝哥]

美國都話有個戈爾吖，香港得班環保鹹蟲先鋒，滅蟲都未嚟得切啦，仲講環保咩。

[杰爺]

香港搞環保，只見街上環保團體問捐錢，究竟佢哋做過乜呢？暖爐何來會咁大？

[海娜]

暖爐就快溶掉我了~~~~

[小小酥]

香港天氣真係熱到好難頂，又焗又悶，抖啖氣都辛苦。其他熱帶地方都冇咁熱，例如泰國熱得嚟都舒爽吖，邊有香港咁焗㗎，蒸爐咁。

[陳七]

重慶有火爐名城之稱，但我曾在盛夏到過那裏去，不過爾爾。

[匿名]

今年冬天已經約定朋友去淺水灣游水喇。

[小肥]

香港天氣真係好熱，我懷疑邊止三十六度呀，四十度都有可能呀。

版主

[小白]