蘇錦樑愛印度烤餅

原來月入約三十萬元嘅D姐對踎大牌檔呢種基層文化情有獨鍾，佢嘅「飛佛」之選係北角渣華道街市上面嗰間，仲大讚：「好好味！」呢間大牌檔，坐圓膠櫈，吹大風扇，一樣吸引到唔少中環OL遠道嚟幫襯，D姐真係識搵食。

講開食經，商務及經濟發展局副局長蘇錦樑亦係識途老馬，事關老婆仔女都係印度菜嘅「粉絲」，耳濡目染下，呢兩年佢都上咗癮，最鍾意食印度烤餅，仲大讚灣仔修頓球場對面間賣印度食物嘅小店，啲烤餅夠晒地道風味，經朋友推介，一試難忘，以後經過灣仔都心思思想幫襯咁話。