曾自封「香港故事」嘅房協主席楊家聲,年初出咗本《打工打不死》,教人就業致勝之道,反映佢永不放棄嘅做人態度。尋日中學會考放榜,佢又以呢種「打不死」精神勉勵會考生,強調一次會考並非定生死,縱使考得唔好,只要積極努力,將來必定可以捲土重來取得成功。
記得佢曾講過自幼好勤力讀書,中學考入皇仁書院,高考又考入港大,但因冇錢讀大學而被迫選讀有津貼嘅師範學校,畢業後執教鞭十二年。漫長教學生涯冇令佢產生惰性,反而令佢發奮到港大補讀學位,跟住先後做過多間大公司高層,至能夠有今日嘅地位,又係另一個獅子山下嘅香港故事。