04/08/2009

播放本新聞相關短片

政情：潘宗光入嘉華回饋呂志和

理工大學榮休校長潘宗光，放下教鞭七個月，最近有新動向。潘宗光喺八十年代出任立法局議員時已認識嘉華國際主席呂志和，做咗理大校長，出名「揼心口」能力高，主理理大十八年內籌得捐款高達二十五億元，而呂志和往往唔托手㬹慷慨解囊，舊年面對金融海嘯仍豪擲三千萬元捐畀理大，認真唔話得。

退咗休嘞，潘宗光就答應加入嘉華國際做獨立非執董，兩個人有咁長遠嘅關係，無論係乜嘢職位都可以維繫落去喇。另外，嘉華國際今次亦搵埋「公職王」鄭慕智出任非執行董事。