講起早前立法會金融服務界議員「金勞詹」詹培忠，喺飯局中踢爆佢私下表示有意爭特首，CY不置可否，話唔會透露同朋友嘅飯局內容，似乎係暗寸金勞詹「大口」。佢仲話唔會因為「篤爆事件」變低調，會繼續約好友食飯，唔通真係見過鬼都唔怕黑!?

CY頻頻出席活動爭曝光，但講到本月十二號嘅牛一大日子，就話要低調慶祝，原來呢個係梁家傳統，不論係CY自己或者仔女生日，只會買個小蛋糕返屋企低調地切餅，唔搞生日派對。嚟緊生日，佢亦都唔會外遊，話要留港同太太過兩人世界喎！