五散人全部嚟自功能組別，包括會計界嘅陳茂波、醫學界嘅「怪醫」梁家騮、廠商會代表林大輝、「I.T.豪」譚偉豪同埋保險界嘅陳健波，外界大多認為佢哋喺立法會只會為業界發聲，據聞，佢哋喺十月立法會復會後，會多啲關注基層問題，好似最低工資同全民退休保障計劃咁，而呢啲問題仲會同泛民主派有合作空間添！

喺新立法年度，商界同勞工界對最低工資立法肯定又拗餐飽，而五散人當中，除咗怪醫之外，其他全部都係老闆，佢哋點擺位，唔單止泛民，勞工界嘅議員都到實。