「好多同學都好羨慕，覺得畀人影吓相，企吓笑吓，就可以有幾千蚊收入。」o靚模阿欣（化名）今年二十歲，兩年前入行做兼職模特兒，多次不愉快的經歷，使她一直耿耿於懷。阿欣憶述初初入行時，曾經被一名攝影師在升降機內從後施襲，遭人攬腰和摸屁股，初出茅廬的她只好逆來順受。阿欣嘆道：「當時呆咗，太突然太驚，完全唔識點反應。」
除了被「博懵」外，阿欣又試過被攝影師要求擺走光動作，她斷然拒絕，卻被人當面狂轟「唔專業」、「你咁態度實做唔長。」阿欣稱，部分拍攝活動通常是在拍照完畢後才會收錢，如果模特兒「不合作」，有攝影師可能會拒絕付款，因此看錢份上，她們惟有「硬食」。
上網遇怪漢播下體影像
不過，儘管經歷過不快事，心理又蒙上陰影，但阿欣並沒放棄當o靚模，因這份工作能讓她可以在最短時間內，賺到最多金錢。「對於一個十幾歲女仔嚟講，一個鐘賺到百幾蚊已經好滿足。」阿欣來自單親家庭，家中的經濟環境不太好，自她加入o靚模行列後，高峰期月入數千元，不但不需向母親索取零用錢，更可隨意選購心愛的衣服。阿欣否認自己因為貪圖物質而當o靚模，但承認收入增加，的確令自己「大使咗」。
在拍攝過程中，o靚模除可能遭非禮外，少女在攝影討論區找「龍友」拍照時，也隨時會「中招」被性騷擾。只有十七歲的Vivian半年前首次於網上認識「龍友」，對方要求她以視像連線見面，向他展示身材。Vivian立即拒絕，對方旋即單方面開動視像鏡頭，向她傳來裸露下體的影像。至今Vivian仍無法忘記該個恐怖畫面，對於被性騷擾，Vivian激動地說：「真係好惡心，冇諗過佢會咁，到依家都忘記唔到個畫面。」她坦言，該次經歷算是不幸中之大幸，若真的應邀到酒店拍攝，後果不堪設想。
要求除胸圍託辭更自然
其實在網上討論區，亦不時會找到o靚模聲稱被非禮的帖子。「每一次擺pose（姿勢），佢捉住我手腳……成日不經意觸碰我身體，我唔清楚係唔係每一個攝影師都係咁樣做，不過真係周身唔自在。」除了身體接觸外，有攝影師更會提出過分要求，「佢要求我除咗胸圍，佢話咁樣會影得靚啲自然啲……自從嗰次之後，真係有影響我對攝影師嘅信心，一直擺喺心裏面好唔開心。」
「『龍友』大部分都係好人，只係有少數心謀不軌，對模特兒不檢點，影響其他人的聲譽。」活躍於攝影界的模特兒清雯為「龍友」平反。不過，清雯也承認，初入行的o靚模會有機會遇到不良「龍友」，只要花多點時間找固定「龍友」合作，便會相對較安全。
青年協會「青年空間」社工凌煒鏗坦言，接觸過不少少女做兼職模特兒，「佢哋大多數都係想趁青春留倩影，亦有人希望會因此被發掘。」對於有少女因拍照被非禮，凌指出，因她們年紀較輕，一旦被非禮未必懂得處理。他呼籲若不幸遇到不愉快事件，應盡快向青年中心或學校社工求助。