我為刀狂

書展收檔，口靚模個個賺到笑住離場，今日輪到動漫電玩節接力賺口靚仔口靚妹錢，一樣係逼爆會展，邊個話香港嘅下一代個個嬌生慣養，唔捱得苦呀？據講書展未完，已經有啲小朋友懷巨款通宵排隊等入場，希望可以搶先買到限量版刀仔劍仔，真係少啲魄力都唔掂呀！

既然搞動漫節搞得咁有聲有色，跟住嚟緊嗰個中國傳統大節日盂蘭節，可以諗吓計移師去會展舉行吖，門口有牛頭馬面鬼差Cosplay行嚟行去等影相，各大紙紮行又可以推出各種古靈精怪武器，好似紙刀山、紙油鑊咁，而最有收藏價值嘅，肯定就係紙勾脷筋工具，而且件件標明係限量版，燒完就冇，同場仲有紙紮男僕女侍三十吋Figure添，要買趁手呀！

網友回應......

安榮

你問一句：錢從哪裏來？援交拆家睇檔為你來！再問一句：你為人來定漫畫來？邊度少布就為邊度來！敢問一句：商家為錢增歪風，他朝一日成父母，心態會否有不同？

匿名

我愛露暈娜，本身令宅男眼睛大吃冰淇淋，仲大派雪糕，實行眼又食嘴又食。動漫口靚模要學嘢。

匿名

將口靚模輸出外國，成為日本之後的另一個AV強大輸出國！

匿名

口靚模氾濫成災，睇怕香港遲早會出口口靚模到外地，賺多啲外匯。

163

呢啲咪香港人衰格囉，係有市場就學澳門咁直接整個性文化節，正面而直接，係要左閃右避前後淡化賣弄女性胴體，走法律漏洞，懶理直氣壯咁去呃細路錢！偽君子不如真小人呀！

匿名

話時話，唔通啲鹹濕仔買寫真買到無晒＄，慾火焚身就非禮某女藝人？啲動模口靚模要小心！

匿名

索少幾啖K，啲錢返晒嚟！＄_＄

匿名

唔知被傳與口靚模有染的意大利總理，會否慕名前往動漫節獵艷？

版　主：小白

銜　頭：評論員

特　徵：路見不平，Blogger相助

發表方法

讀者如對本欄每日話題有任何意見，歡迎登入網址發表意見。本報保留採用刊登權利，不另通知，敬請留意。

網址：www.sunsiupak.blogspot.com