31/07/2009

播放本新聞相關短片

政情:法援局翻用舊公文袋

依家大部分政府部門同公營機構都有制訂環保採購政策,信封、紙張、公文袋都規定要可以循環再造,但呢啲紙品有時仲貴過啲非環保紙。

近日收到法律援助服務局寄出嘅季度通訊《法援之聲》,內容冇乜精彩嘢,但個信封就好有新意,係其他機構寄畀法援局用過嘅舊公文袋。法援局用一張單面印咗嘢嘅環保紙掉轉,貼上個舊袋度遮住原有機構嘅標誌,再用墨水印印番法援局個招牌同地址上去,就可以重新用多次,真係既慳錢又環保,印象中係第一個公營機構咁做。

法援局主席陳茂波本身係立法會政府帳目委員會副主席,加上佢最近先審完平機會大花筒醜聞,好明白公營機構用嘅一分一毫都係公帑,應該慳得就慳。