走出官場「熱廚房」嘅前經濟發展及勞工局局長葉澍堃，退休生活優哉游哉，曾戲言係「專職搵食」，依家仲升級做埋美食家。事緣中華廚藝學院舉辦嘅「2009美食之最大賞」，今年搵佢做督導委員會嘅榮譽委員，職責係
實比賽喺公平嘅情況下舉行。
咁會唔會做埋評判呢？佢尋日喺記招話要等大會安排，仲好謙咁話大會可能係貪佢鍾意食先搵佢喎。一講到食，佢就講唔停口，仲過兩招教大家點享受美食添，話呢個世界冇美食嘅統一標準，每個人只要食入口就會知道好唔好食，最緊要自己鍾意喎！佢咁講，咪即係個個都可以做美食家囉！
做《美女廚房》做到出晒名嘅周中師傅都係評判之一，葉澍堃仲即刻約佢食飯添！
