囡囡差唔多二十歲

廿四孝媽媽點止做咁少嘢吖，佢話已經喺九月空咗一段時間出嚟，實行陪個女飛去英國開學咁話！其實葉劉錫個女好多人都知，就好似前排嘅建制派飯局，本身淨係畀議員出席，但本身嗰日約咗個女嘅葉劉，唔想榮欣一個人食飯就帶埋佢一齊去。榮欣都差唔多二十歲，葉劉都可以唔使係咁做「跟得媽咪」嘅！

講番日前政協常委陳永棋嘅立法會權力膨脹論，葉劉表示唔係太認同，佢話依家嘅議員權力唔算過盛，但可能喺某啲人眼中係「百厭咗啲嘅小朋友」，但立法會係社會縮影，有爭拗都好正常，有唔同意見唔係問題，因為大家都係為市民服務喎！