（Cherbe）

梗係畀人跣多啦，個女歌星連嗰三十幾頁有咩字都唔知道。haa……

（匿名）

三十幾頁有文字有百幾個錯字都唔易，可能係G模搵人跣佢。

（瑤）

我覺得出書的最低要求係無錯別字，日日睇住本有幾百個錯別字的書，到時考試一定會跟住錯。依家睇書唔係玩搵錯字遊戲，唔理係咪歌星，作者一律有責任。淨係道歉無用，點解唔檢查清楚，任由錯別字在社會遊走。畀其他人睇到，又會以為香港語文水平低呢。

（你咪理）

鄰家女孩的面孔＋平凡正常的身材＋認同不了的歌藝＋較時下再差一點的語文水平＝女明星！正所謂真金不怕洪爐火，真係有料就唔怕畀人跣啦！但肯定佢唔係請槍手，都叫做自己肯用吓腦，動吓手！

(kenneth wong）

做戲就做戲，唱歌就唱歌，寫書就寫書，搞到瓣瓣都半桶水咁，唉！

（Leo）

唔好怪Stephy，睇報紙話好多老師考基準試都肥佬，唔好大教壞細，佢都係受害者嚟㗎。

（3062470）

明星係公眾人物，更加係佢哋自己口中聲稱自己係好多青少年的偶像，既然想從文字表現自己的才能，就應該認認真真去做好佢，連校對都慳番，不如淨係打單字啦，無上文下理咪無得話佢寫錯字囉，再唔係寫數目字囉，無可能錯啦啩？