女歌星歌藝超凡，因經常喺舞台上現場唱出常人冇可能達到嘅音域，聽過嘅，無一個唔嚇到心跳加速，比起嗰個蘇格蘭村姑至少超兩班，一度廣受網民愛戴，並冠以「鄧走音」美譽，可以講得上係實至名歸呀！不過，女歌星都好上進，依家仲要進軍寫作界躋身才女之列，確係港女嘅典範。
睇吓佢書展推出嗰本新作，真係好益智，佢識得寫「藍苺」而冇搞錯係「藍霉」，證明佢都識得幾多中文字，大家一味喺恐龍蛋裏挑骨頭，好似有啲蝦細路女喎，小白老弟最唔滿意嘅唔係錯字，而係點解書名咁重要都要漏咗一個字？希望才女下次搞簽名會時，可以幫我喺書名《陪着我走》之後，加番個「音」字上去得唔得？
【小白】
版主