上一屆立法會足球隊表現差勁，又唔夠人腳，有議員都唔睇好今屆能否組班，但今屆就變得相當神勇，連番報捷。點解？多得隊長林大輝搵猛人外援。
原來大輝帶領自己隊沙田足球隊都創出神話，事關佢兩年前入主沙田足球隊後，成績一日好過一日，嚟緊九月即將升上甲組，同另一地區球隊和富大埔並駕齊驅。為咗進一步提升球隊質素，佢諗住物色一至兩個外援，但唔會影響原班人馬升班甲組。
佢話依家沙田足球隊嘅班底全部都係升班功臣，所以佢唔想請其他本地球員返嚟打亂陣腳，搞到隊波要變陣，最好係原班人馬由丙組踢上甲組。睇嚟佢都好顧及球員嘅感受喎！