「香港教育界書畫藝術邀請展」前日喺尖沙咀文化中心開鑼，施子清今次借出嘅作品出處南宋詩人楊萬里嘅《過百家渡四絕句》。佢話中國文字係國寶，一定要練得好，加上現代人打字多過寫字，佢擔心將來啲人真係會唔識寫字喎！

寫得一手好字，自然經常有人敲門索取墨寶，施子清來者不拒，邊個搵佢寫都永冇托手㬹，依家佢一個星期寫字兩次，但都係為咗應酬各方友好，搞到教啲孫寫字嘅時間都冇，只能假手於其他老師。好彩啲孫對書法有興趣，佢話從來唔逼啲孫寫得好，反正書法要時間浸淫嘛！