點解武俠小說會同大近視扯上關係呢？佢尋日喺大氣電波話，依家好多武俠小說都畀人推崇備至，評價十分高，但喺佢嘅年代就被視為雜書、閒書，睇咗等於「唔專心讀書」。為免畀人鬧，佢決定當睇「鹹書」咁睇，即係大被冚過頭，匿喺陰暗嘅被竇度偷偷欣賞，結果搞出個大近視。

當年睇閒書要捱鬧，咁佢又點睇依家搞到鬧哄哄嘅o靚模寫真呢？佢話一本都冇睇過，叫人送檢就有，又借機為書展「平反」，話個個以為書展年年咁多人，貿發局梗係賺到笑，實情係辦書展最艱辛又冇乜錢賺，差唔多要蝕錢，仲要唔計人工嗰隻，但見到啲市民咁鍾意，入場時又鬼死咁開心，嗰種滿足感又唔能夠只用錢嚟衡量，所以咪繼續搞囉。