○六年十月出席中秋節活動遭男歌迷上台當眾強吻的官恩娜，昨坦言：「我同鄭融都係熟朋友，希望阿融冇事，我只會發短訊畀佢，我估阿融依家都好亂，唔想騷擾佢，畀啲空間佢。其實女星打扮性感都係工作需要啫，希望啲人識互相尊重。」

七年前在日本舉行水着寫真集簽名時遭胸襲的椋名凜則說：「其實我好明白鄭融感受，我喺日本舉行水着寫真集簽名，現場已經有十個保安保護我，但都畀個御宅族用力揸咗我雙胸，我嗰時嚇到呆咗，到依家每逢去到人多嘅地方都有陰影。」

城大犯罪學課程主任黃成榮指出，鄭融前晚穿着一件低胸裝出席《香港先生選舉》，在電視機前很性感及「胸前偉大」，估計疑犯或是迷戀鄭很久的歌迷，受如此火辣辣的刺激，欲進一步將偶像佔有。疑犯可能是性格近似電車男的一類人，朋友很少，很少社交活動，崇拜女明星。