27/07/2009

播放本新聞相關短片

鄭融遭狂迷摸胸

狂迷「勢兇夾狼」胸襲女藝人!昨午歌星鄭融在將軍澳一個商場表演後離場時,一名男子突然撲出施襲,雖然鄭雙手在胸前保護,但色狼極為猖狂,魔爪穿過鄭的手臂強摸胸部,鄭驚慌尖叫引起混亂,色狼事後呆站一旁,被保安員制服,交警方拘捕帶署。昨晚鄭淚灑警署外,對被性侵犯感到憤怒,表示絕不會姑息狂徒。

現場是將軍澳君薈坊,鄭融出席一個名為「Looney Tunes動感玩樂營—開幕禮」活動,與小朋友玩遊戲唱歌,活動至大約四時結束,鄭融在商場保安人員及女助手前後護送下離開,到商場門口登車。當時鄭以雙手翹在胸前,行至接近門口時,一名穿黑色T恤男子突從旁衝出,伸左手插入鄭手臂下摸其左胸,鄭受驚尖叫,對女助手說:「佢用手掂到我,非禮我!」色狼則呆站一旁,保安員立刻將他捉住。

「絕對唔會姑息佢」

鄭融要求商場報警,之後在女助手安排下先行登車離去,疑人則由商場保安員帶入另一間房,五分鐘後警員到場將疑人帶走。警方發言人昨證實,拘捕一名姓蔡(三十六歲)男子,案件交由觀塘刑事調查隊跟進調查。

鄭融回家後情緒久未平復,傍晚透過電話接受本報訪問時坦言:「我絕對唔會姑息佢!」並稱遭非禮很嬲,她說:「突然有個男仔走過嚟襲擊我,我嚇到尖叫,我同女同事講佢掂我、非禮我,即刻要求報警。」她續說:「作為巿民、公眾人物,我都一定會挺身指證佢,唔可以當冇事發生,太過分。呢件事正好做一個榜樣畀所有女性睇,被人侵犯一定要報警,我一定要告佢。」

鄭融指出席公開活動一直有提高警覺,一定會視察四周環境,做好保護自己的責任。事實上她在舞台離遠已看到疑人,她說:「我覺得佢行為有點怪異,已經同助手、大會講咗聲,更加保持住一定距離,所以離開時也有自我保護意識,但佢真係太突然咁衝埋嚟。」鄭融稱日後再出席公開活動,必定要求公司及客戶加派保安人員保護。

鄭融好無奈好委屈

至昨晚十時許,鄭融在母親、堂兄和女助手陪同下到將軍澳警署落口供,她一臉愁容地向記者說:「我好頭痛,好想快啲報完案返屋企。多謝大家關心。」說完雙目含淚,步入警署。

活動的大會司儀DJ余宜發在事發時聽到鄭融的呼喊聲,他說:「見佢好無奈、委屈,我就陪住佢,送佢上車離開。」余稱:「其實嗰個男仔都好奇怪,活動完咗隔住欄杆捉住我隻手話:『我想同鄭融握手!』呢個男仔我有啲印象,好多時啲公開活動都見到佢。」

君薈坊商場管理處盧先生表示:「我哋係代鄭融報警,已將涉案疑人交由警方處理。」

鄭融小檔案

出生日期 1984年10月10日

籍  貫 廣東恩平

洋  名 Stephanie

身  高 5呎2吋

最出名歌曲 《紅綠燈》

入行經過 在國際學校畢業後,陪友人報讀模特兒公司的形象課程而入行成為模特兒,其後加入正東唱片。2003年以《成人對待》及《終生學習》兩曲奪商台「叱口宅樂壇生力軍女歌手金獎」,其後在許冠傑復出演唱會任嘉賓,獲歌神讚賞。2006年《紅綠燈》一曲熱爆全港,人氣急升,連奪多個大獎。

第一手消息請瀏覽on.cc《即時新聞》

會考資訊一click即睇
詳情瀏覽on.cc《放榜無限分2009》

直擊人類豬流感最新疫情
詳情瀏覽on.cc《奪命流感》