02/07/2009

播放本新聞相關短片

政情:邢李(火原)過半退休生活

邢李(火原)對老婆林青霞復出一事不置可否,但可以肯定嘅係佢舊年喺思捷環球退下火線後,除歎世界享受人生外,亦趨向平民化。事關身為馬主嘅佢,近排見佢都係好低調咁走到公眾席同普羅馬迷欣賞賽馬,仲同馬迷一齊排隊投注,尋日亦見佢喺公眾席為愛駒「不言而喻」打氣。佢話依家過住半退休生活,每日都做吓運動,包括打高爾夫球同網球,保持健康體格。

馬會爭取下個馬季增加五個賽馬日,佢話依家仲考慮緊會唔會抽新馬,原來佢想多啲時間同老婆去旅行歎世界。回歸十二年,問佢點睇香港嘅營商環境,佢話香港無論喺軟件同硬件配套方面都適合營商,但依家內地經濟急速發展,走入大陸市場營商亦係唔錯嘅選擇。