六大產業新瓶舊酒

煲呔曾尋日又做推銷員，佢承認六大產業並唔係乜嘢「絕世好橋」，而係政府傾咗十幾年嘅新瓶舊酒，政府月前推出加碼紓困措施時，已經係「炒冷飯」，估唔到呢招咁快又派上用場，睇嚟煲呔曾嘅招牌首選就係「炒冷飯」。

煲呔曾尋日喺一個電台節目中表示，經濟機遇委員會早前探討咗本港發展六大產業嘅建議，本港要邁向知識型經濟並唔係乜嘢重大發現，只係家吓推行六大優勢產業發展，成功機會一定比以往大，因為香港企喺比以往更有利嘅位置，佢口中所謂有利優勢就係時間、時機、決心和資源。

呢幾項優勢驟看都幾弱吓，若講創新科技、環保科技等，本港唔單止係世界甚至喺亞洲都落後太多，而且港府出咗名議而不決，及虎頭蛇尾，或者係咁，煲呔曾政府只有不斷炒冷飯。