Tanya嘅男朋友叢鐵飛到場後，獲貼上一個「英雄」嘅名牌，原來呢個係佢嘅外號！奇怪嘅係，呢對拖友入到場後，即刻分頭睇書，最後一人買咗一本書。大家對佢嘅男朋友好好奇，但Tanya就叫記者唔好影佢哋嘅合照，就算影咗都唔好登出嚟；既然拖得出嚟，呢啲說話係咪有啲多餘呢？

玩開舞台劇嘅Tanya尋日都話，巨星米高積遜離世真係好可惜，佢透露，曾經同一班演員學過米高跳舞，不過就唔係學米高最出名嘅Moonwalk，因為呢種舞太難學。