有道是「人民的眼睛是雪亮的」，其實，眼睛要等吃了虧、上了當之後才會雪亮。不過，本報的「政情」版就真係雪亮喇！連周一鑊去理髮嘅樣都影到，原來周局長唔戴眼鏡個樣精靈好多，揸住本雜誌，仲有幾分書卷味添！筆者建議佢返工時間去做激光矯視，棄掉眼鏡，改變形象，一定可以一洗頹風，名望拾級而上，屆時佢可以指住鼻哥話：昔日的周一鑊已隨風而逝！叫我周一升！
周一鑊原來不是「蛇王」，你估係陳老太遊遊吓行忽然去恤髮咩！周局長原來忙到連午飯都未食，犧牲食晏時間而「偷閒」去理髮，一來為形象，二來可創造新詞。前者已提過，後者略陳如下：
大家可能聽過「枵腹從公」呢個詞語，意思是指餓着肚子辦理公務，形容不顧己身，勤於公事。如今周局長不但「枵腹從公」，更進一步「枵腹從剪」，餓着肚理髮，真陰功！
據辦公室生存法則的新見解：在辦公室裏，你可以得罪忙人，因為他們沒有時間跟你計較；但你千萬不要得罪閒人，因為他們有時間跟你周旋。周局長既「枵腹從公」，進而「枵腹從剪」，咁忙嘅人，唔怪之得會成為箭豬，成日被人插，真係唔公平！今見周局長難得「忙裏偷閒」整吓儀容，好痕呀好痕呀，洗個頭剪個髮啫！落樓都唔使一千蚊！
周局長善於管理時間，深懂凡事隨着時間、空間、主觀、客觀條件的改變而調整。有個笑話說，一對年老夫妻，太太常抱怨做丈夫的沒有像年輕時那樣──在枕邊竊竊私語時輕咬她的耳朵。老先生不勝其煩，於是對老伴說：「好！好！別囉唆，讓我先把假牙裝起來再說吧！」以上笑話告訴我們，愛情的方式要隨時間而改變，有人說它像紅酒，澀味因時間而變醇。周局長調整食飯剪髮時間，正好說明改變係天大好事！