原來阿Ann未捐過血，所以捐第一滴血就顯得有啲緊張，佢仲笑笑口話，O型血嘅人開朗樂天，今日嬲完第二日就冇事，同性格比較謹慎、固執嘅A型血老公好襯，就算兩人有拗撬都好快唔記得。

同行嘅立法會議員李慧琼就經驗豐富，佢憶述首次去捐血時唔敢話畀媽咪知，事關佢本身血壓低。至於發起呢次集體捐血嘅葛珮帆反而冇捐，皆因佢食咗二十三年素，一樣係血壓低，醫生勸佢唔好捐，但佢打算同紅十字會合作落區募捐血液，算係幫吓手啦！