本文重點
豬流感愈演愈烈，感染宗數已達二百五十幾宗，好快就突破三百宗，近排政府一再宣傳深化緩疫，仲取消咗一啲隔離政策。講開隔離措施，有高官仲教大家英文字「Quarantine」嘅起源，原來隔離一字同四十呢個數目字密切相關。
源自意大利文
據講，「Quarantine」呢個字係源自意大利文「Quarantena」，即係四十日嘅意思。話說十四世紀歐洲爆發咗一場鼠疫，導致全球七千五百萬人死亡，唔少國家都為呢場鼠疫好頭痕，不斷諗辦法阻止疫情持續爆發，其中意大利就將鼠疫患者隔離四十日，以控制疫情，呢個政策取名為「Quarantena」。
本港五月一號發現首宗外地傳入個案，至本月十日，首宗本土爆發個案出現，又係四十日，係咪好微妙呢﹖