蔡太亦好錫身，寧願錯失入貨良機都避免去歐洲，好彩大女加敏近年開舖賣名牌手袋及衣物，只要佢睇啱邊件新貨，叫阿囡代勞搜購就得嘞。蔡太置裝亦別有心得，佢有御用設計師定期度身訂造新衫，每次出席Ball場都唔怕同人撞衫咁尷尬嘞。

雖然去唔成歐洲，但蔡太一樣咁開心，事關佢個外孫女馬靄翹唔經唔覺已經一歲大，長得精靈可愛，婆婆抱住佢都唔捨得放手。