當局前日證實一名五十五歲中年男子感染豬流感，衞生防護中心總監曾浩輝日前公布疫情時，被記者問到患者嘅住所，曾醫生當場面有難色，淨係叫記者稍後瀏覽中心網頁去睇番，唔肯即場公布。

為乜咁吞吞吐吐，事關曾醫生同患者住同一地區，即係港島東區嘅杏花邨囉！可能曾醫生都有啲憂慮，驚市民擔心佢喺咪住係患者所住嘅第四十三座，出入大廈時有冇同患者同，如果曾經有過緊密接觸，曾醫生可能會係高危帶病毒人士，又或者會成為本港首位中招嘅控疫高官！

其實，醫管局主席胡定旭早前去北京公幹，喺飛機上都遇到豬流感疑雲，佢話曾有一名外國人迎面向佢打噴嚏，嚇到佢即刻要求調位，同嗰名旅客調離至少三行座位距離。佢話好擔心一旦中招要隔離，醫管局就失去一個統領豬流感防疫嘅指揮官喎！