【本報訊】城大犯罪學課程主任黃成榮副教授表示，從事主被亂刀斬死分析，推斷疑兇已失去理性，甚至陷入瘋狂，相信她的性格屬於容易「鑽牛角尖」。他稱，其實家傭若出現異常，是有迹可尋的，例如可能會特別大力關門、眼神內藏怒火、「忟忟憎憎」、「剁豬肉餅剁得特別大力」，或者喃喃自語等，僱主只要稍加留意，也可能會發現到端倪。
曾被所僱外傭咬傷的藝人郭羨妮驚聞兇案後表示，三月時遇襲至今心理陰影仍在，她說：「諗起當日自己屋企外傭發生攞刀事件都好驚，好好彩最終大家都冇乜事，我媽咪都企埋一邊冇刺激到佢，我亦喺適當時候報警，令到成件事傷害減到最低。」
她又透露沒有再僱用家傭：「依家冇請啦，我同媽咪都分擔到屋企啲家務，唔需要請啦。」她提醒請家傭時要小心：「其實都好難，因為要請一個唔識嘅人，仲要喺屋企住，所以請之前一定要考慮清楚。」