不過，蔡醫生就話佢個同樣做醫生嘅囝囝就曾經試過，事緣個仔讀緊醫嗰陣，試過酒後駕駛，佢發覺後鬧咗阿仔一餐，結果阿仔依家都係泊低架車去飲酒，飲完搭的士返屋企。蔡醫生話，醫生酒後駕駛除咗同普通人一樣要受法律制裁之外，仲要被醫委會處分，簡直係雙重懲罰。

講番尋日個活動，蔡堅同藝員喬寶寶一齊做棟篤笑，糾正喬寶寶話酒後唔臉紅嘅人就可以駕駛嘅說法，嗌司機大佬千祈咪飲酒駕駛。