政情：呂明華扭計求上「神枱」

知情者話，呂明華無非係想同廠商會元老討價還價，目標係會內崇高昭然嘅永遠名譽會長，理由係佢做咗十年廠商會嘅立法會代表，喺廠商會內嘅江湖地位形同會長，要退都要風風光光。

商人求財啫，唔係求氣，以和為貴，聽聞部分廠商會高層有意還呂明華心願，平息干戈。但亦有會內人士指出，按廠商會傳統，只有做過會長先有資格升上「神枱」，做永遠名譽會長，呂明華係咪如願得償，仲係未知之數。